منتديات السندريلا

منتديات السندريلا

منتديات عامة تعليمية ترفيهية
 
الرئيسيةالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» موقف أعاد الذكريات
الأحد أبريل 03, 2011 5:43 pm من طرف sindrilla

» كلام ف الحب
السبت أبريل 02, 2011 11:01 pm من طرف sindrilla

» رسوماااتي ..
السبت أبريل 02, 2011 10:46 pm من طرف sindrilla

» ماسكات للبشرة الجافة
السبت أبريل 02, 2011 10:40 pm من طرف sindrilla

» عايز تصلي بخشووووع؟؟!!
السبت أبريل 02, 2011 10:25 pm من طرف sindrilla

» نكت م أيام أبو لهب..
السبت أبريل 02, 2011 10:23 pm من طرف sindrilla

» ويبقي السؤال .. هل القذافي يلد ام يبيض؟؟!!
السبت أبريل 02, 2011 10:20 pm من طرف sindrilla

» قمة الرومانسية
السبت أبريل 02, 2011 10:19 pm من طرف sindrilla

» تعلم م القنافذ..
السبت أبريل 02, 2011 10:17 pm من طرف sindrilla

ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني
احداث منتدى مجاني

شاطر | 
 

 معلومات مهمة جدااااااااااا لطلاب كلية تربية ........

اذهب الى الأسفل 
كاتب الموضوعرسالة
sindrilla
مديرة المنتديات
مديرة المنتديات
avatar

عدد المساهمات : 236
تاريخ التسجيل : 27/05/2009
العمر : 27

مُساهمةموضوع: معلومات مهمة جدااااااااااا لطلاب كلية تربية ........   الجمعة نوفمبر 06, 2009 3:20 pm

دي معلومات مهمة جدااااااااا تنفع لكل طلاب كلية التربية ولكل الأقسام والسنوات

منقولة م منتدي تعليمي يخص كليتنا موجهة م معيدة بكلية التربية جامعة الزقازيق

وهنقلهالكم ورا بعض ف المشاركات التالية



ونقل الأسئلة ال وجهها طلاب تربية الي هذه المعيدة وكانت اجابات المعيدة عنها ايه

********************************************************************
[ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://sindrella.1talk.net
sindrilla
مديرة المنتديات
مديرة المنتديات
avatar

عدد المساهمات : 236
تاريخ التسجيل : 27/05/2009
العمر : 27

مُساهمةموضوع: رد: معلومات مهمة جدااااااااااا لطلاب كلية تربية ........   الجمعة نوفمبر 06, 2009 3:27 pm

س : يا جماعه هي ايه حكايه التربيه العملي اللي في الزيتون والمرج؟؟؟؟؟الكتوره بتقول ان اللي بيدخلها بياخد الدرجه النهائيه 95 في التربيه العملي؟ هو دا صحيح؟؟؟؟؟؟


وكانت اجابة المعيدة هي :

بصى يا جميل بالنسبة للتريبة العملى
هى عبارة عن نشاط معين بيقوم بيه طلاب الفرقة الثالثة والرابعة من شعب تربية عام
وطلاب الفرقة الثانية والثالثة والرابعة من شعب تربية اساسى
النشاط ده يا ستى بيكون عبارة عن الذهاب الى المدرسة والتدريب على القيام بدور معلمين ؛ يعنى بتشرحوا للطلبة فى المدارس زى المدرسين بالظبط وبتشرحوا وبتستخدموا وسائل تعليمية اثناء الشرح وكل حاجة زى المدرسين بالظبط
طبعا شعب تعليم اساسى بتروح مدارس ابتدائية فى كل الاحوال
اما طلاب الشعب تربية عام بتروح مدارس اعدادية فى سنة ثالثة ؛ ومدارس ثانوية فى سنة رابعة

طيب ايه الهدف من التربية العملى ؛ وايه المطلوب مننا نعمله ؟؟؟؟

الهدف من التربية العملى هو تدريبكم على انكم كطلبة كلية التربية تدربوا على انكم ازاى تشرحوا للطلبة فى اعدادى او ثانوى ؛ تتعلموا ازاى تحضروا الدروس فى دفتر التحضير ؛ ازاى تعرفوا تتعاملوا مع الطلاب وتحكموا الفصل وتستخدموا الوسائل التعليمية ... وما الى ذلك من وظيفة مدرس ؛ زى ما انتم طبعا عارفين .

اوك هو ده الهدف ؛ طيب مطلوب مننا نعمل ايه بقى ؟؟؟؟

مطلوب مننا كطلبة تربية عملى ؛ نروح للمدرسة اللى هنتدرب فيها مرة واحدة كل اسبوع من اول اليوم الدراسى لاخره ؛ اليوم ده انتوا رايحين فيه المدرسة كمدرسين ماتنسوش انكم هتكونوا مدرسين فى المدرسة ؛ ولكن فى نفس الوقت انتوا برضه رايحين تتعلموا ازاى تكونوا مدرسين.. ما انتم برضه لسه طلبه!!!!!!!

طب هنتعلم ازاى يعنى نكون مدرسين .. ومين ده اللى هيعلمنا ؟؟؟

بصى يا ستى انتوا هتتعلموا ازاى تكونوا مدرسين عن طريق مساعدة كل من :
الموجه ؛ والدكتور المشرف

الموجه ده هو الشخص اللى هيوجهك فى عملك كمدرس للمادة اللى بتدرسها وبيعلمك ازاى تحضر درس ؛ وتكتب ايه فى دفتر التحضير وازاى تكتبه وكله فى نطاق مادة التخصص بتاعتك ... وهكذا
اما الدكتور المشرف فهو هيعلمك ازى تكون مدرس تربوى بيقدر يتعامل بشكل تربوى مع الطلاب ويطبق اللى بيدرسه فى الكلية من مواد تربوية

تقسيم الدرجات :
الموجه ... بيكون مسئول عن 40 درجة
الدكتور المشرف ... بيكون مسئول عن 40 درجة
مدير المدرسة ... بيكون مسئول عن 20 درجة
وعشان تطمنوا وتجتهدوا اكتر ... فى ناس يا جماعة بتحصل على 100 من 100 فى التربية العملى
يللا بقى شدوا حيلكوا يا جماعة

على فكرة ... احلى فترة فى الكلية هى ايام التربية العملى دى يا جماعة بجد اول ما تبدأوا تشرحوا هتحسوا بمتعة حلوة اوى بالاضافة انه بيكون يوم غير دراسى بتتعلموا فيه حاجات بشكل عملى .. عشان كده سموها تربية عملى

اتمنى لكم التوفيق ..... يااااارب

اللى محتاج اى استفسار ... يللا انا مستنياكم وهساعدكم فى اى حاجة


********************************************************************
[ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://sindrella.1talk.net
sindrilla
مديرة المنتديات
مديرة المنتديات
avatar

عدد المساهمات : 236
تاريخ التسجيل : 27/05/2009
العمر : 27

مُساهمةموضوع: رد: معلومات مهمة جدااااااااااا لطلاب كلية تربية ........   الجمعة نوفمبر 06, 2009 3:30 pm


بالنسبة لسؤالك عن التدريس المصغر ؛ اه فعلا هو زى سكشن كده بيكون عملى تقريبا السكشن وده بيكون تابع لمادة طريق التدريس - على ما اتذكر - وده بيكون خاص بقسم مناهج فى الكلية
المهم .. التدريس المصغر ده نوع من اعمال السنة اظن بيكون عليه درجات ؛ ويعتبر برضه نوع من التدريب على التدريس ؛ ولكن فى نطاق مصطنع غير واقعى وغير طبيعى

يعنى ايه نطاق مصطنع ؟؟؟؟
مصطنع يعنى بيئة غير طبيعية ومهيأة بشكل صناعى ومتعمد غرضه التعليم والتعلم لمواجهة الموقف الحقيقى لانك مش بتكون فى فصل حقيقى ولا قدام طلاب بجد ولكن بتقوم بالتدريس قدام معيد وبتتخيل ان زملائك هما الطلاب ؛ وبيكون ده فى غرفة معينة هى مكان السكشن وبالتالى فانت بالشكل ده فى موقف اصطناعى مش واقعى وده عشان التدريب ؛ التدريس المصغر ده بيعلمك ازاى تتصرف فى الموقف كما لو انت مدرس ؛ ازاى هتقدر توصل لزملائك الدرس اللى انت حضرته ؛ تتعلم ازاى تعرف تحضر درس ؛ وازاى تستعمل وسيلة تعليمية ؛ ازاى تعرف تجاوب على سؤال مفاجئ مثلا وهتتصرف ازاى لو طالب احرجك .
وعشان كده بتكون فايدة التدريس المصغر انك بتتعلم فيه ازاى تتصرف صح قدام الطلاب وبيهيأك للموقف الطبيعى

وعلى فكرة يا مونتى انت ممكن تتفق مع زملائك انكم تستفيدوا اكتر من التدريس المصغر ؛ عن طريق انكم تنقدوا بعض وتعلقوا على شرح بعض وتوضحوا الاخطاء من وجهة نظر كل واحد فيكم ولكن كل ده بشكل موضوعى يكون هدفه الاستفادة والتقويم وليس التهكم او السخرية
وبالتالى فانتم تقدروا تفيدوا نفسكم وتستفيدوا من بعض ؛ وكمان ممكن كل واحد فيكم يتخيل نفسه طالب ؛ ويحاول يسأل زميله اللى بيشرح اسئلة غير متوقعة او محرجة - كأنكم بتمثلوا انكم طلاب مثلا - وفى الحالة دى زميلكم يتعلم ازاى يقدريتصرف فى موقف زى ده ؛ ولما يتحرج قدام زملائه احسن ما يتحرج قدام الطلبة

بس عموما انتم المفروض بتروحوا مدارس للتدريب العملى ؛ أسأل عندك فى كليتك هى هتكون يوم ايه وفى مدرسة ايه
ولو عندك اى استفسار عن اى حاجة وقفت قدامك ... انا معاكم فى اى وقت

********************************************************************
[ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://sindrella.1talk.net
sindrilla
مديرة المنتديات
مديرة المنتديات
avatar

عدد المساهمات : 236
تاريخ التسجيل : 27/05/2009
العمر : 27

مُساهمةموضوع: رد: معلومات مهمة جدااااااااااا لطلاب كلية تربية ........   الجمعة نوفمبر 06, 2009 3:31 pm


انا كنت قلت لكم ان انا ناوية اكتب لكم حلقات عن كل شيئ يهمكم تعرفوه عن الكلية ونظام الدراسة فيها من خلال خبرتى وانا طالبة وخبرتى بعد التعيين
لعل وعسى يكون ده عون ليكم اثناء دراستكم ؛ وعشان تكونوا على دراية بكل حاجة من دلوقتى
وبجد اتمنى لكم كلكم التوفيق والنجاح ومستقبل باهر

مبدئيا
انا فكرت انى هكتب الحلقات دى مرتين فى الاسبوع بس... وباقى الايام هتكون ليكم عشان اشوف تعليقاتكم و اديكم فرصة تسفسروا وتسألوا عن كل حلقة براحتكم

وعشان كده
انا هقولكم الاول على الموضوعات اللى عايزين نتكلم فيها ونتطرق اليها وتكون ليها ليكم اهمية فى اثناء دراستكم فى الكلية وكمان بعد تخرجكم

والموضوعات اللى هنتكلم عنها هى ::

1- اعرف كليتك ونظام الدراسة فيها
2- الكلية عايزة مننا ايه بالظبط نعمله اثناء الدراسة
3- ايه الهدف اللى احنا عايزين نوصله بعد التخرج من الكلية ؛ وايه هو نظام التعيين فى الكلية او خارجها
4- ازاى نقدر نذاكر التربوى وايه اسهل الطرق لمذاكرته باقل جهد واعلى تقديرات
5- ازاى نقدر ننظم وقتنا اثناء الدراسة عشان نجيب اعلى تقديرات
6- نعمل ايه اثناء فترة التربية العملى وازاى نقدر نستفيد من الفترة دى وفى نفس الوقت نحصل على اعلى الدرجات
7- فترة الامتحانات نجهز لها ازاى ؛ وايه افضل اسلوب للمذاكرة والمراجعة اثناء الامتحانات
8- ايه هو افضل اسلوب للاجابة على امتحانات التربوى عشان نحصل على اعلى درجات
9- هل تقديم الشيتات والاهتمام بالسكاشن التربوية واعمال السنة له اهمية ولا لا ؟

هطلب منكم ثلاث طلبات :
الطلب الاول : عايزة اعرف تعليقاتكم على اسماء الموضوعات واهميتها بالنسبة لكم
الطلب الثانى : ايه هو الترتيب الافضل للموضوعات دى عشان تناولها حسب الاولوية
الطلب الثالث : اللى عنده ايه اضافة للموضوعات او عايزنا نناقش موضوع معين لم يتم ذكره من ضمن هذه الموضوعات ؛ يكتب اسم الموضوع اللى عايز يضيفه

يللا انا مستنية تعليقاتكم عشان ابدأ



********************************************************************
[ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://sindrella.1talk.net
sindrilla
مديرة المنتديات
مديرة المنتديات
avatar

عدد المساهمات : 236
تاريخ التسجيل : 27/05/2009
العمر : 27

مُساهمةموضوع: رد: معلومات مهمة جدااااااااااا لطلاب كلية تربية ........   الجمعة نوفمبر 06, 2009 3:32 pm

ندخل فى الموضوع
اللى لاحظته من تعليقاتكم انكم عايزين نتكلم عن الموضوعات المهمة فى الوقت ده وهى اللى خاصة بالامتحانات وخصوصا امتحانات التربوى
بس انا مش كان قصدى من اول موضوعين وهما :
1- اعرف كليتك ونظام الدراسة فيها
2- الكلية عايزة مننا ايه بالظبط نعمله اثناء الدراسة
مش كان قصدى المعنى التقليدى اللى تبادر لذهنكم لانى كنت هقولكم حاجات يمكن تكونوا هتعرفوها لاول مرة
بس عموما ... نزولا لرأى الجميع وعشان المصلحة العامة وكمان لأولوية الاهمية
انا هتكلم اول حاجة عن الموضوع رقم 8 وهو :
" ايه افضل طريقة للاجابة على امتحانات التربوى للحصول على اعلى تقدير "

ونبقى نأجل اول موضوعين للترم التانى ان شاء الله

يللا نبدأ اول حلقة ...... توكلنا على الله

********************************************************************
[ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://sindrella.1talk.net
sindrilla
مديرة المنتديات
مديرة المنتديات
avatar

عدد المساهمات : 236
تاريخ التسجيل : 27/05/2009
العمر : 27

مُساهمةموضوع: رد: معلومات مهمة جدااااااااااا لطلاب كلية تربية ........   الجمعة نوفمبر 06, 2009 3:34 pm

السلام عليكم
طلاب الحاضر ........ ومعلمين المستقبل

الحلقة الاولى
" ايه افضل طريقة للاجابة على امتحانات التربوى للحصول على اعلى تقدير "

طبعا كلنا كطلاب فى الكلية بنحس ان التربوى عبء كبير علينا ودمه تقيل اوى فى المذاكرة ؛ وعلى الرغم من اننا بنذاكره كتييييييير اوى وبيجهدنا اوى فى مذاكرته وكمان بياخد مننا وقت كبير فى حفظه .. فاحنا برضه مش بنحصل فيه على تقديرات عالية زى مثلا امتياز او حتى جيد جدا
وده طبعا على العكس من مواد التخصص اللى بنذاكرها بسهولة وفى وقت اقل ؛ وكمان بنجيب تقديرات عالية

اكيد الشكوى دى موجودة عند اغلب طلاب كلية التربية وياحبذا المستجدين منهم
صح ... ولا ايه ؟؟؟؟

واكيد كل واحد فينا فكر فى كل او بعض الاسئلة دى :
1- ازاى اعرف اذاكر التربوى كويس ويثبت فى مخى ... انا كل ما اذاكره انساه اصله كتييير اوى وكله حفظ ؛ وعناصره كتيره والكلام اللى تحت العناصر اكتر ازاى هقدر اجمع كل ده ؟؟؟

2- واحد تانى يقول هل من الافضل انى اذاكر من الكتاب مباشرة او الاحسن انى الخص المواد التربوية واذاكر التلخيص اللى انا تعبت فيه وعملته ؟

3- حد تالت ممكن يقول انا مش هتعب نفسى ولا اذاكر من الكتاب ولا الخص بنفسى؛ انا هاخد الزبد على طول واشترى ملخصات التربوى من اى مكتبة وبلاش اضيع وقتى وجهدى على الفاضى .. مش كده احسن ؟

4- واحد رابع يقول انا بحفظ كويس جدا وبذاكر التربوى اغلب الوقت وكمان ممكن الخص او اذاكر من الكتاب واشترى الملخصات ... ومع ذلك برضه بجيب تقدير قليل فى التربوى .. اعمل ايه ؟

5- واحد خامس يقول لو حليت وكتبت كتير فى امتحانات التربوى بجيب تقدير قليل ؛ ولو جاوبت باختصار برضه بجيب قليل .... مش عارف اعمل ايه ؟؟؟؟

صح .... مش كلنا بيتبادر فى ذهننا بعض الاسئلة دى ؛ وفى الاخر بنوصل لجمله واحده :
طب نعمل ايه ... وايه الحل ؟

اكيد بعد الاسئلة دى كلها ... لازم نقول ايه هو الحل !!!
الحل يا جماعة هيتلخص فى المحاور الاتية :
1- الطريقة المثلى لمذاكرة التربوى فى اقل وقت وبأقل جهد وبأعلى تحصيل فى المذاكرة وأقل نسبة من النسيان بعد المذاكرة
2- الطريقة المثلى لاجابة امتحانات التربوى فى الوقت المحدد للامتحان وفى نفس الوقت ضمان - بأذن الله - الحصول على اعلى تقدير

أولا : الطريقة المثلى لمذاكرة التربوى فى اقل وقت وبأقل جهد وبأعلى تحصيل فى المذاكرة وأقل نسبة من النسيان بعد المذاكرة
تتلخص فى النقاط التالية :
اولا : هواة التلخيص
1- قبل الامتحانات بحوالى شهر - وليكن فى هذه الايام - نبدأ فى شراء كشكول كبير يزيد على 100 ورقة
2- قم بتقسيم الكشول الى اقسام حسب عدد موادك التربوية وقبل كل قسم اكتب اسم المادة التربوية
3- نبدأ فى تصنيف المواد التربوية وجمع كتبها والبدء فى تلخيص كل مادة تربوية فى القسم المخصص لها باحدى طريقتين :
أ - اما ان يتم تلخيص المواد كلها بشكل متوازى؛ اى تلخيص فصل او جزء من كل مادة تربوية فى نفس اليوم
ب- او يتم التلخيص بشكل مستقل اى تخصص عدد معين من الايام لتلخيص مادة تربوية معينة وبعد الانتهاء منها تماما تبدأ فى المادة التالية ... وهكذا حسب قدرتك ورغبتك
4- قم بتلخيص المادة التربوية على النحو التالى :
أ- تحديد اسم الفصل الذى يتم تلخيصه فى البداية
ب- كتابة العنوان الرئيسى للفقرة ؛ وتحته ثلاث او اربع سطور توضح معناه
ج - كتابة العناصر الفرعية لهذا العنوان بشكل متتالى
د - كتابة كل عنصر فرعى على حدة وتحته ثلاث او اربع سطور تشرح هذا العنصر
4- اذا كانت هناك اضافات من الدكتور عن اى موضوع يفضل اضافاتها اثناء التلخيص ؛ حسب كل موضوع وده شيئ مهم جدا هذكره لاحقا
5- اتبع نفس الخطوات السابقة فى كل مادة تربوية

قد تبدو هذه الطريقة شاقة ومجهدة ومملة بعض الشيئ ؛ الا انها جهد محمود جدا حيث انها تختصر وقت كبييير جدا اثناء المراجعة النهائية للمادة قبيل الامتحان ؛ وتكون على دراية تامة بكل موضوعات المادة خلال المراجعة النهائية ؛ كما انها تعتبر مذاكرة اولية للمادة تضع لك خلفية عند المذاكرة النهائية

اما هواة المذاكرة من الكتاب مباشرة :
1- ابدأ من الان فى فتح كل مادة تربوية وأقرأ كل الموضوعات بشكل عام قراءة وليس مذاكرة ؛ حتى تأخذ فكرة عاممة عن كل محتويات المادة
2- ابدا بعد ذلك فى القراءة المتفحصة المتأنية وقسم كل موضوع الى عناوين رئيسية وعناوين فرعية ؛ ودونها فى الاماكن الفارغة فى كل صفحة
3- ضع عنوان لكل فقرة ؛ حتى يذكرك بمحتوى هذه الفقرة اثناء المراجعة النهائية



********************************************************************
[ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://sindrella.1talk.net
sindrilla
مديرة المنتديات
مديرة المنتديات
avatar

عدد المساهمات : 236
تاريخ التسجيل : 27/05/2009
العمر : 27

مُساهمةموضوع: رد: معلومات مهمة جدااااااااااا لطلاب كلية تربية ........   الجمعة نوفمبر 06, 2009 3:34 pm

اما اذا كنت من هواة شراء الملخصات
مفيش مانع .. هى برضه بتكون كويسة ؛ بس خد بالك انها ساعات بيكون فيها اخطاء ؛ وعشان كده لازم تذاكرها وانت معاك الكتاب فصل بفصل عشان تتلافى الاخطاء دى ؛ بالاضافة ان بعض الملخصات بتكون مختصرة اوى وبالتالى ممكن تتجاهل بعض الفقرات المهمة عشان كده مش تعتمد عليها اعتماد كلى ؛ لانها ساعات بتركز على النقاط الاساسية والرئيسية ؛ وفى الحالة دى لو الامتحان كان موضوعى ( يعنى مكون من اسئلة اختار وصح وغلط ) فالملخصات دى هتكون ضررها اكتر من فايدتها

ولك ان تختار بين الاساليب الثلاثة السابقة
حسب ميولك وقدراتك ورغبتك

ثانيا :
- الطريقة المثلى لاجابة امتحانات التربوى فى الوقت المحدد للامتحان وفى نفس الوقت ضمان - بأذن الله - الحصول على اعلى تقدير

بداية .. عند بدء الامتحان فى اى مادة تربوية لابد من ملاحظة الامور التالية قبل البدء فى الحل :

1- الزمن المخصص للاجابة على الامتحان

2- الارشادات المكتوبة فى اعلى ورقة الامتحان ؛ وأمر زى ده يا جماعة مهم جدا جدا جدا ؛ فقد يطلب الدكتور الاجابة عن سؤالين فقط من ثلاثة حسب الاختيار ؛ او قد يطلب الاجابة على كل الاسئلة ؛ او قد يطلب ان يكون السؤال الاول إجبارى وباقى الاسئلة اختيارى ؛ او قد يطلب ايضا كتابة السؤال كاملا فى ورقة الاجابة ثم الاجابة عليه .... وهكذا بتعدد المطلوب ... وخدوا بالكم اوى اوى يا جماعة من موضوع الارشادات دى لانها بتوقع ناس كتيييير اوى فى الغلط وتلاقى نفسك فقدت درجات كتير لمجرد انك مش قرأت الدكتور كان عايز منك ايه فى البداية

3- أقرأ الاسئلة اللى موجودة فى الورقة كلها قراءة سريعة ؛ عشان تعرف ايه افضل الاسئلة اللى ممكن تختارها عشان تجاوبها لو كان الامتحان اختيارى ؛ ولو كان الامتحان اجبارى فان القراءة الاولية لكل الاسئلة هتساعدك ان لو فى سؤال مكون من عناصر كتير ممكن تتنسى بمرور الوقت ؛ انك تدونها على هامش ورقة الاجابة عشان مش تنساها ؛ ولما توصل لها تكتبها بسرعة من غير ما تفكر كتير

4- لازم تتأكدوا ان الامتحان موجود فى ورقة واحدة ولا ورقة وش وظهر ولا فى ورقتين .. لازم تاخدوا بالكم من حاجة زى دى اوى لان فى كتير جدا بيقعوا فى الخطأ ده ؛ ان يكون الامتحان فى الورقة وش وظهر وهما مش ياخدوا بالهم ويحلوا الوش بس ويخرجوا من الامتحان وقد فقدوا لا يقل عن نصف الدرجات ... بتحصل ما تستبعدش

5- لازم كمان تاخد بالك انك تقسم وقتك كويس اوى اثناء الحل ؛ فمش تستغرق وقت طويل اوى فى سؤال معين وتلاقى الوقت انتهى منك وانت لسه مش جاوبت اسئلة تانية .... خدوا بالكم اوى اوى

6- يفضل ان تبدأ بالاسئلة السهلة بالنسبة لك واللى مذاكرها كويس اوى ومش هتاخد منك وقت ولا جهد ؛ ابدأ بالاجابة على الاسئلة دى الاول ؛ ثم تتدرج الى الصعب ... قدر الامكان

7- اذا طلب منك فى الارشادات الاجابة باختصار جاوب باختصار .. ومش تخاف ؛ واذا طلب منك تجاوب بالتفصيل جاوب بالتفصيل ومش تختصر

8- النصيحة دى بقى لراغبى الامتياز ... اذا كانت فى اى معلومات اضافية ذكرها الدكتور فى المحاضرة بخصوص المادة يفضل جدا لو ذكرتها اثناء الاجابة ؛ لان الدكتور فى الحالة دى بيتأكد ان الطالب ده كان حاضر محاضراته .. وياحبذا لو الدكتور كان ذكر بعض الامثلة او رسم بعض المخططات على السبورة لو اضافتها فى الامتحان ..صدقنى هتضفيلك درجات كتير اوى وتلفت نظر الدكتور انك طالب تستاهل درجة عالية

دى كانت مجموعة نصايح حبيت اقولهالكم من خلال خبرتى وانا طالبة

طيب عايزين نعرف بقى ايه افضل طريقة للاجابة على التربوى ؟؟؟

اذا كانت الاسئلة موضوعية ( يعنى اختار من بين الاقواس او صح وغلط او اكمل ) دى مفهاش مشاكل اهم حاجة تركز اوى فى السؤال وايه المطلوب منه وتجاوب

طب اذا كانت الاسئلة مقالية ( يعنى بتحتاج لاجابة تفصيلية ) وعادة اغلب امتحانات التربوى بتكون كده
فى الحالة دى تتبع الخطوات التالية :
1- تفهم اوى صيغة السؤال والسؤال طالب ايه بالظبط وده حسب مذاكرتك الصح طبعا ؛ وتتاكد من الاجابة قبل ما تكتب

2- يفضل استخدام اللون الاسود والازرق عند الاجابة او اى لون تانى غير الاحمر

3- عند البدء فى الاجابة اكتب لا يزيد عن ثلاثة سطور كمقدمة للاجابة ؛ ثم اكتب العنصر الرئيسى ويليه العناصر الفرعية بشكل متسلسل ومتتالى

4- امسك كل عنصر فرعى على حدى واكتبه بلون معين وليكن اللون الاسود ؛ ثم اكتب تحته ثلاث او اربع سطور تشرح هذا العنصر ؛ وهكذا مع باقى العناصر الفرعية

5- اذا كان السؤال يحتوى على مصطلح معين يفضل ذكر مفهومين او ثلاثة عن هذا المصطلح ؛ وياحبذا لو ذكرت اى مفهوم قد ذكره الدكتور فى المحاضرة ( وده هيدعم اجابتك اوى )

مثال توضيحى :
تخيل ان السؤال هو
تكلم بالتفصيل عن اسس بناء المنهج

تكون الاجابة كالتالى:

اولا : تعريف المنهج .... يدور مفهوم المنهج حول تقديم المعرفة الى المتعلم على هيئة موضوعات محددة فى كل مادة من المواد الدراسية ؛ اى ان المنهج فى هذا المفهوم يعتبر مرادفا للمقرر الدراسى ؛ وفى ضوء هذا التعريف اصبح المنهج يتركز حول مجموعة المعارف والمعلومات المنظمة التى تقدمها المدرسة الى تلاميذها طوال سنوات الدراسة فى كل مرحلة تعليمية

( خدوا بالكم على الرغم من ان تعريق المنهج مش مطلوب من ضمن السؤال الا انك لما تعرفه فالدكتور هيحس انك طالب فاهم انت بتكلم عن ايه مش حافظ العناصر وخلاص ؛ بالاضافة انك لما تيجى تجاوب عن اى سؤال فيه مصطلح معين لازم تكتب تعريف للمصطلح ده قدر الامكان لو عرفت حتى لو مش طلب منك فى السؤال )

ثانيا : اسس بناء المنهج

تعتمد عملية بناء المنهج على اربعة اسس رئيسية وهى كالتالى :
1- الاساس الفلسفى للمنهج
2- الاساس الاجتماعى للمنهج
3- الاساس السيكولوجى للمنهج
4- الاساس الثقافى للمنهج
( الشكل ده معناه انك تكتب العناصر الفرعية بشكل متسلسل ومتتالى فى البداية )
اولا الاساس الفلسفى للمنهج : ويعنى ذلك ان يرتكز المنهج الدراسى على فلسفة تربوية معينة والتى بدورها تعكس بشكل واضح وملموس فلسفة المجتمع ؛ ولذلك يضع مخططوا المناهج فى اعتبارهم الغايات المقصودة من ذلك المنهج وتترجم تلك الغايات الى مواقف تربوية حقيقة يمر بها التلميذ للاستفادة منها وفقا لما تعنيه فلسفة المنهج التى تعبر عن فلسفة المجتمع

ثانيا : الاساس الاجتماعى للمنهج :..................................................................... وهكذا

( ده كده كام سطر لازم يتكتبوا تحت كل عنصر تشرح ايه معنى العنصر ده ؛ ولو كانت فيه عناصر فرعية برضه تحت العنصر الفرعى ده لازم تذكرها برضه بس باختصار ؛؛ ثم يتم عمل ما سبق مع باقى العناصر الفرعية مع اختلاف مضمونها وشرحها )

ويفضل ان تكون العناصر الفرعية او الرئيسية بلون مختلف عن الشرح

يفضل اتباع هذه الطريقة فى كل اجاباتك على التربوى عشان تنجز الاجابة فى اقل وقت وبأقل جهد وبشكل منظم وفى نفس الوقت الدكتور يبقى عارف انك ملم بكل العناصر الفرعية اللى خاصة بالسؤال .

نصائح عامة .....بخصوص شكل وتنيسق ورقة الاجابة :

1- يفضل ان تكون الورقة مسطرة تسطير بسيط بدون زخرفة او ورد بالقلم الرصاص ؛ ويفضل ان تضع سطرين تحت كل سؤال او تحت كل عنصر فرعى عند الاجابة كنوع من انواع التمييز بين اجزاء الاجابة

2- يفضل استخدام لونين مختلفين كالازرق والاسود ؛ او اى لون اخر غير الاحمر ؛ وهذا سيجعل ورقتك تتصف بالتمييز وجاذبة للنتباه

3- لا تجاوب على السؤال مباشرة ؛ بل اكتب اولا رقم السؤال ثم اذكر السؤال ثم اكتب اجابة السؤال .. وهكذا

4- حاول قدر الامكان من تحسين خطك والاهتمام بوضوحه ... لان ده بيفرق كتير عند التصحيح

وفى الاخر اتمنى لكم كلكم الامتياز فى كل المواد التربوية وغير التربوية
ويااااااااااارب اكون اضفت لكم جديد وافادتكم بحاجة بسيطة

مع خالص تمنياتى
يللا مستنية استفساراتكم وتعليقاتكم قريب ان شاء الله
عشان نبدأ فى الحلقة التانية

********************************************************************
[ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://sindrella.1talk.net
sindrilla
مديرة المنتديات
مديرة المنتديات
avatar

عدد المساهمات : 236
تاريخ التسجيل : 27/05/2009
العمر : 27

مُساهمةموضوع: رد: معلومات مهمة جدااااااااااا لطلاب كلية تربية ........   الجمعة نوفمبر 06, 2009 3:37 pm

دة ال المعيدة قالته لحد دلوقتي وهبقي انقلكوا الباقي اما تقوله


واي حد عنده سؤال ليها يقول عليه وانا هوصولها واجبلكم الاجابة ال هتقولها

ولو حابية اجبلكوا الرابط بتاع بتاع المنتدي التعليمي دة انا مستعدة

********************************************************************
[ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://sindrella.1talk.net
kimoalahlawy
عضو شغال
عضو شغال
avatar

عدد المساهمات : 145
تاريخ التسجيل : 30/08/2009
العمر : 27

مُساهمةموضوع: رد: معلومات مهمة جدااااااااااا لطلاب كلية تربية ........   الجمعة نوفمبر 06, 2009 4:07 pm

شكرررررررررررررررررررررررررررررررررررا ع الموضوع الهايل ده يا هبة
احسنتي
الرجوع الى أعلى الصفحة اذهب الى الأسفل
sindrilla
مديرة المنتديات
مديرة المنتديات
avatar

عدد المساهمات : 236
تاريخ التسجيل : 27/05/2009
العمر : 27

مُساهمةموضوع: رد: معلومات مهمة جدااااااااااا لطلاب كلية تربية ........   السبت نوفمبر 07, 2009 5:12 pm

krkora2099 كتب:
شكرررررررررررررررررررررررررررررررررررا ع الموضوع الهايل ده يا هبة
احسنتي

أنا دايما ف الخدمة ياكريم

********************************************************************
[ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://sindrella.1talk.net
sindrilla
مديرة المنتديات
مديرة المنتديات
avatar

عدد المساهمات : 236
تاريخ التسجيل : 27/05/2009
العمر : 27

مُساهمةموضوع: رد: معلومات مهمة جدااااااااااا لطلاب كلية تربية ........   الخميس نوفمبر 12, 2009 5:48 pm

انا عاوزه اعرف عندنا الدكتوره بتقول امثله بالعاميه دي مهمه برده؟وبتكون في الحياه العامه؟؟
وكانت اجابة الدكتورة هي :
بالنسبة لسؤالك ... حتى لو الدكتورة بتقول الامثلة بالعامية ... انتى ممكن تاخدى اللى له علاقة بالمنهج بتاع المادة وتكتبيه انتى باسلوب علمى تربوى صح
واكيد برضه هى هتعرف وهتميز انك فهمتى امثلتها
:

********************************************************************
[ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://sindrella.1talk.net
sindrilla
مديرة المنتديات
مديرة المنتديات
avatar

عدد المساهمات : 236
تاريخ التسجيل : 27/05/2009
العمر : 27

مُساهمةموضوع: رد: معلومات مهمة جدااااااااااا لطلاب كلية تربية ........   السبت نوفمبر 14, 2009 11:01 pm


اكتر مادة عندي مش لاقيةليها حل مادة تاريخ التربية والتعليم
حتى من اسمها كده تاريخ
المذكرات متلخصة جداااا جدااا والكتاب بجد انا محتاسة فيه
الكتاب كبير والوقت بالنسبة للترم الاول قليل
فما هو الحل؟؟



وكانت اجابة المعيدة هي :

بالنسبة لمادة تاريخ التربية والتعليم ؛ هى فعلا مادة دسمة وتقيلة جدا جدا
نصيحة حاولى تبدأى تذاكريها من دلوقتى ؛ ويفضل لو تفهميها كويس ؛ وبعدين تلخصيها فى نقط
بحيث ان التلخيص اللى انتى فاهماه ده هو اللى تكتبيه فى الامتحان
نصيحة تذاكرى من دلوقتى


********************************************************************
[ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://sindrella.1talk.net
 
معلومات مهمة جدااااااااااا لطلاب كلية تربية ........
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات السندريلا :: منتديات تعليمية :: منتدي كليات التربية-
انتقل الى: