أنت رايح فين؟
ما سألتش نفسك السؤال ده؟
طب أنت مين؟
وليه بتعمل كل الحاجات كده؟
بتحب ولا بتكره؟
بتوهم نفسك أنك انسان؟
وعندك احساس؟
وعايش مأساه كمان؟
ولا انت بجد انسان مجروح؟
وليك قلب وبيدق؟
خايف ترد؟
خايف من بكره؟
خايف تقول انك فشلت في حاجات كتير؟
فشلت حتي انك تنام؟
ولا خايف من بكره لانك بجد ماشي علي الحبل
ومسنود علي هوا
ولا انت خايف من الخوف نفسه؟
وعندك مرض الانهزام
تعالي معايا بس اربط الحزام
اتفرج علي الناس
شايف
كل الناس بتخاف
انت مين في دول وليه خواف؟
حاول توصل لنفسك
بالعقل والانصاف
اتعلم حاجات كتير
مش فلسفة وتخاريف
العمر زي ورق الشجر
ورقة بتسقط كل خريف
قوم الحق القطر لحسن يمشي
ومتلاقيش ولا محطة ولا رصيف
الأحد أبريل 03, 2011 5:43 pm من طرف 
