اعمل ايه

اعمل ايه بالحب وانتي مش معايا
تسوى ايه كل المشاعر
لما تبقى مستحيله
أوعى تحكمي بالمظاهر
واللى جوه روح عليله
يعنى لو قدرت اضحك
ضحكى دا مش من السعاده
ياما ناس بسخاء بتدي
منظره مش للعباده
هوه لما الروح بتطلع
من مدبوح مش يفرفر
مين يقول انه بيرقص
مين بيقدر على الالم ويبقى عاده
لما جانى الحب صنته
واشتهيته من البدايه
والكلام اللى قولته
عشتي بيه اجمل حكايه
اعمل ايه دلوقتى فيكي
اعمل ايه دلوقت فيا
اعمل ايه بالحب وانتي مش معايا
مش عتاب ولا بشكى منك
شوفلى انتي حل عندك
مش هكمل بالعذاب ده
مش مريحنى الكلام دا
شوفي طريقه نحل بيها مشكلتنا
شوفي معايا ازاى بقى نكمل حياتنا
لو يرضيكي اللى حاصل
يبقى راح تحكم بموتنا
أنا والله تعبت معاكي
وكمان انتي تعبتي معايا
اعمل ايه دلوقت فيكي
اعمل ايه دلوقت فيا
مين يخلصلى الحكايه
اعمل ايه بالحب وانتي مش معايا