الحب والفراق

لو ذاب صمت السالفه ..وسط الأوراق
ماذاب قلب ٍ سولفك ..عشق وأحباب


ولو حال دون القرب ..إبعاد وفراق
ماحال أحد دونك .. بضلعي والاهداب


الحب شي ٍ ينولد ..مِنه عشاق
كم عاشق ٍ مرتاح/وكم عاشق مصاب

وياويل حال اللي ..لحاله ..ومشتاق
يذكر موادع صاحب ٍ ..ودّع وغاب


وأنت أذكر موادْعك ..في ( لحظة عناق )
يوم إنتعش جرح الهوى ..وإنقفل باب


هاك القصيد ..اللي لغيرك ..فلا لاق
خله يعبر ..عن شعوري ..وينساب


عجزت أخبي دمعتي ..بين الاحداق
ومليت أشوفك حلم ..والوم الاسباب


سريت معك البارحه ..لين الآفاااق
حتى بخيالي ..صحبتك ..غير الاصحاب


كل واحد ٍ مكتوب ..رزقه بالارزاق
من قبل يولد منكتب له ..على كتاب


وكل شي يهون الا .. ( قهر حب وفراق )
لاراح خلك ..وأنت من روس الاشناب