الزمان مرضيش

كان وعد نتقابل
بس الزمان مرضيش
ماتسألينيش ليه الزمان مرضيش
ليه الزمن قابل
ألاقيكي في الأحلام
ولما صحيت ملقتكيش
لو هو ده المكتوب
أنا راضي بالمكتوب
و عمري كله يدوب
بسأل وأنا مغلوب
إمتى بقى هنعيش
أنا عارف أن أنتي في الدنيا ياحبيبتي
لكن بعيد عني
دمعك على خدك
والشوك ملا وردك
وبتسألي عني
وأنا في الحياة بجري
ملقتش نور فجري
والأه بتسبقني
والخوف بيلحقني
والليل مخبيكي
وياتري بكره هلقيكي
ولا هقول تاني الزمان مرضيش