زي ما نفسك أكون

موضوع: زي ما نفسك أكون الأحد سبتمبر 26, 2010 5:28 pm

هكون
زى ما نفسك اكون
زى ما انتي عايزانى اكون
هكون
حضن دافى يضم حضنك
شوق حنين يملا صدرك
حب غالى يدوب في قلبك
تحسيه يسرى تحت جلدك
زى ما تتمني اكون

حلم يسرح بالعيون
طيف جميل جوه الجفون
في الحقيقه مش ظنون
زى ما يرضيكي هكون

هكون
دم يجرى بين عروقك
قلب نفسه يعيش فى شوقك
روح ترفرف بين ضلوعك
ايد حنان تمسح دموعك

هكون
اللى تتمنيه اكونه
واللى تحبيه هقوله
واللى مش عاجبك هشيله
واللى تاعبك عندى غيره
بس قولي ازاى اكون

ابقى ورده تجذبك
ولا نجمه تأسيرك
ولا ضحكه تسحرك
ابقى حاجه تعجبك

هكون
اللى تحتاجيله
اللى تشتاقيله
اللى تفتكريه
واللى مش فاكراه
هكونه

هكون
كل حاجه تحبها
تتمنى تعرفيها
واللى نفسك فيها
واللي عايزة زيها
تبقى خلاص ملكتيها

هكون
اللى تتمنى تلاقيه
اللى ترضى تحسي بيه
اللى بتدوري عليه
اللى نفسك تشتريه

هكون
الملاك اللى يحرس
والحبيب اللى يخلص
والامان اللى يسعد
لما تحتاجي حد مخلص

هكون
شمعه قايده في سكتك
ونيس فى وحدتك
ضل يحرس خطوتك
ضحكة عاليه في فرحتك

امنيه حياتى
اعيش حياتى
جنب حد شدنى
جنب قلب حبنى
وانتي وحدك خدتينى
من حياتى سحبتينى
هكون
زى ما نفسك اكون

» اصعب فزورة لو ذكي ادخل ورينا نفسك